126
akweh lwirnya bangun wulan mawa sawang kewran tkap ning rémĕng,
len tekang kadi śengkabāhu ring-apekin tan subhuktyang tilam,
6. Akweh bhāwa nikang waneh hana mareng nyā śangungang pañcuran,
[64.b.] banyat tang kala -/- ngön mahat ri 1ĕyĕping nuṣā tngah ning raṇu,
sākṣat swargga ya piṇḍa rūpa nika himpér wiṣṇulokānurun,
dening kweh nikanang suwarṇna maṇi rangkāng lwir katoneng tawang.
--- 000 ---
1. Hyang - hyang ning kalangĕn bhaṭara linĕyĕp ning-inucap-ira sang kawīśwara,
baprā māsxx kumar cinaṇḍyabahur-ing paḍu ri tngah-ikārjja kokiran,
līlāmarpat-i ghopuranya sinupit makara kanaka rātna bhāswara,
mwang takang maṇi kostubhārjja dumilah sumarasah-irikang yaṣottama.
2. Ring pūrwwādi weśma kanakanya kadi wahu sake hyang-iswara,
ngkane ḍakṣina dhatraweśma kahiḍĕp marakaṭa dumilah nirantara,
ndan ring paścima yeka rakwa ya mahāmara bhawana panarkka ning mulat,
nyaśeng-uttara tulya waśma madhśūddhana pasaji nireng waning raṇa.
