12
nantĕn tan hana len sakeng paramaśūnya rĕmba ning pārwwata,
jātī sanggama wighna margga karaṇa ndi nyāng panĕmwang hayu.
14. Nāhan ling naranātha putra mawuwes puh twas narendrādhipa,
mwang sakwen para wīrayodha rumngö mwang< sang mahāśabdika,
towin ngganya paḍomngön-mĕngĕni sanggup śrī narendrātmaja,
dening nwam nira singhit-ing paramayogin drāmunah wāhyaka.
15. Ngkā rakryan mapatih jayendra mawuwus marmmāngalap twas rĕsĕp,
singgih ling ni tuhanku yogya pituhun de sang mahāpaṇḍita,
tan gwāgyākna de nṛpātmaja manah ning śūra-rotteng tapa,
tolih ngganya tangis narendra katilar mwang reṇa rakryan kari.
16. Milwang rāt maktĕr paḍānalaha sonĕk murccita kweh mangö,
astamtang bala wīra yodha kapgan punggĕl manah nyeng hati,
tan hopĕn tikang-ambĕk-ing wwang-i dalĕm strī kanya ng gĕng wingit,
āpan rakwa narendra putra karĕsĕpnyāpūr [7.b.] wwarāgeng tilam. /
