124
ācāri mwang-ikang karaṇḍan-angiring kaka - kaka sama munggah-ing ratha, walyungkuk hana ring dwipāngga tumut-īṇa nira huwa nirākramāhalĕp,
4. Nden sang -/- śrī parameśwari mwang-ika
63.b.sang nṛpawara duhiteki tan kasah, munggwing syandana rātna sangghya saha wīra gaṇapati mahādbhutangdulur, ndan rakryen mapatih sasomahan-ateki sira milu surākṣa śobhita, mikyang śri daśabāhu putra katigeka sira tumut-i jöng nareśwari.
5. Ndan ring sakṣaṇa śighra teki ri laris nira liwati paminggir-ing puri, deśākweh tpi ning hawan hana jurang - jurang adalĕm-i tunghaning sawah, sāmpun rakwa lĕpas nireki wijil-ing rawi sumuluhi bhūmimaṇḍala, mangkin rāmya katon manuknya marĕbut wwahan awirahan-ing tahĕn ragas.
---o0o---
1. Byātīten ri laris nireki tka ring ūdhyāna rātnālaya, honyekang ghupurāpucak maṇi murub lwir teja ning bhaṣkara, sakweh ning rasa rāmya maṇḍag-irikāglar tang dwipanggādĕdĕ, kaṇcit śrī parameśwarī sira ḍatĕng mwang sang maṇik ning puri.
