123
5. Sira rāka rekryan-iki kewala makabala rākṣakeng jagat, tumuteng watĕk ratu samangjuru malĕsa masewa sanmatha,taya tan wruheki pangucap nira makamuka
63.a. sang -/- dwijeśwara, ndya ta dona ning nṛpati tan tulusa nira ri sang nṛpātmaja.
---o0o---
1. Nāhan hinghan-i goṣṭi sang kawiwadhū tka rĕsĕp-i narendra kānyaka, sinlan gīta palambangarjja mamanis - manis-i wuwus-ikāmangun langö, sāmpun rakwa tibang ḍawuh tlu paḍāturu sira tka ning wwang nghiḍĕp, eñjing rakwa sirenatāg laris-umangkata tumu-ta ri sang nareśwari.
2. Yekā hetu nirahyasarjja masalin hulĕs-arĕja lawan tapih suji, mwang sakwoh nikanang wwang-adyah-i dalĕm sahana paḍa madumduman raras, tuṣṭambĕk nira sang narendra duhitā tka mkuli narendra kānyaka, lwir kedyānmu gaṇḍa ning kusuma laywan-i marĕn-i huyung suputrika,
3. Tan warṇnan sira teki śighran-umijil tka ri lĕbuh-ikang swanāgara, sĕk tekang bala wāhanākrama sumanggraha katmu matunggalan ḍamar,
