122
/62.b./ nghing ateki tan surud-ikung hati dlit ulah-ing kawīśwara,
2. Tuhan-ing hulun tuha - tuhangku taham-ibu wuwus suputrika,
sipi göng asih nṛpati pārwwata sama ri tuhānku wah lulut,
hana ku pwa hetu nira tan makaśaraṇa tikung swayanbara,
sira rāma rakryan-ing-uśāna ten-atĕn-i wkas prayojana.
3. Nghing-ateki mantwa kaharĕp nira kurukula hastinātmaja,
salagīki ngūni winkas - wkasakni sḍĕng nirā hurip,
ya nimītta sang prabhu wawang kadi tṛṇa taru māngṛngö grĕh,
ri ḍatĕng narendra suta hetu ning-angutus akon manungsunga.
4. Tuwi rakwa ling nira titir winacak nireng nareśwarī,
taya ngūni - ngūni karĕngö prabhu matuhu subhakti ring hari,
sira rakwa bhaktya ri kite huwis-atmu lawan nṛpātmaja,
thĕreki rakwa ratu ring pura sumiliha dewa ning jagat.
