121
dūran teki manĕhta yan kita samāhuripa tulusa sanmatheng nghulun, sangsiptān dudutĕn nghulun bapa tibāna lara hawana ning nghulun pjah.
6. Ai kong hyang widhi mah hayungku walatĕn prahakna ri kalangwan-ing kapat, ros ning madhya bangun wuluh gaḍing-umantuka ri lĕyĕp-i lunggah-ing gaḍung, nyū ḍantākuning-ārjja rakwa dunungĕn pangulihi gmuh-ing payodhara, keśārjjātutur-ing himāngmu riris lungayan umaluyeng wlas-arĕp.
7. Śocāngrösi manisnya muliheng śarasija sḍĕngeng samīraṇa, sakweh ning dadi ning śarīra muliha tmaha lĕyĕp-i rāmya ning wukir, sanghyang candra sirekyanūkṣmakna raṣmi ni bungah-i mukangkwa pūrṇnama, ngkā tākun muliheng nirātmaka waśā matapakan i lĕngĕng-ing diwākara.
---o0o---
1. Na wuwus narendra duhitamlasakna nangis pgat pgat, paḍa kapyuhan sahana ning marĕk-anulu sa ling nṛpātmaja sira sang kawindra dayiteki sira milu ma ngepwan-ing manah, -/-/
