120
lāwan rakwa huwis subhagya rasikan tayakna palakun sih-ing widhi,
ānghing tekya malar narendra sira lot ka sukĕ - sukĕran eṣṭi ning hati,
dening gyānira hetu ning luh-angĕbĕk ri pipi sumarasah mareng kapö.
3. Tĕkwan rakwa kayogyanīki sira yan kaka haji tulusāsih-ing hulun,
kĕmbang - kĕmbang-adonku rātna duhitā nira ta lĕra makesi ning puri,
denya ngwang pingitĕn malar sira hananglamara ratu sumāmbahe haji,
tan gya - gyākna sing rĕṣĕp - rĕṣĕp-angampunana rĕsĕpa ring kadi nghulun.
4. Mangkepwān-anubhara kewalea sirālang-alanga ti ki tan pamatyani,
sinwam śuṣka skar lĕwas wruh-ika mulya saka ri tan-asih nireng hulun,
yekānung gumawe putĕk hati tkānaputi patilar ing yayah bibi,
menak ngwang pjaheki rakwa tumuteng sira wihikana duhka ning manah.
5. Hāh rāmangku bibingku sang lumah-ing-agranagara dadi sūkṣma dewata,
/62.a./ tingal te -/- iki si harṣa ning kawlas-ing
kaka dinulu ri tan sih-ing widhi,
