119
2. Ndi kari hana skar ning jangga mwang ku muḍa kuning,sumarangarang ināpet sing yogyāngisĕpa wangi, tenimanima tekang kumbang yan tuhu rĕsĕpa, hulih aparan kātoh-toh jīwāmuhara lĕsĕh.
3. Guru wacaṇa wkas ning śabdekang tuhu linĕpih, sphaṭika curiga rātnā nindyā mulya sanagara,pira pira harĕping wwang sing denyan rĕsĕpakna,subhaga kadi skar tan sumpang ning wahu winarang.
4. Pṛsama sama-samangkun tan luptāngmasi wirang,lĕhĕnga tiki kadi ngwang prāptāsung sungĕni nguni, panulakan ika mangiin tan wruh panglipur alara, rininga-ringa katuhwan tan sih bhūpati,
---o0o---
1. Yan kāngĕn mara tan padhsrmmani tuwuhku rasa pjaha tan hanenaka, towin rakwang anĕmwa rājaduhitā phala makaśara neng swayambara, śrī dewīndumatīng uśāna karĕngö siran amilihi jalwa ring sabha, de sang bhoja makaryya dharmma karuṇan tirun 61.b. ing arari -/- rātna kanyaka.
2. Ndan dūran pwa ta sang narendra wiparīta yadi lĕwĕs asih nireng hulun,
