118
tĕkwan sang hinarĕp - herĕp sira sḍĕng karṃme suputring puri,
anghing teki tuwuhta yogya pahayun reh ning sukanyā krama,
aywa wruh - wruh-i polah-ing sama lawan dewi ratih ring hajĕng.
2. Pujāmantra samadhi yoga gawayĕn ri rātri kālāmĕrĕn,
pantĕn - pantĕn-aneka yogya pituhun sāling nikang stryātuha,
mwang tekang brata śūkla bhūkti gawayĕn aywācawuh ring pangan,
astam tang tahapĕn gilut - gilutānangkĕnyan dinekāprihĕn.
3. Āpan rakwa wkas ning ewĕh-inucap yan ring sukanyākrama,
akweh strīnujaran maling raras-awarṇna lwir skar tan parūm,
wantĕn lwir skar-ing lĕmah yayan-agaṇḍānorakĕṇ campaka,
yekānung purih-ing pramāda ring-ulah lāwan praniting laku,
---o0o---
1. Kaka kahiḍĕp-ujarta lwir kadyāmṛta kasirat,
kunĕng-amuhara lĕnglĕng ning śokā -/- nangis askĕl,
/61.a./
gati nṛpati jugāngde trāsākon mapagi sira,
raga - ragana tkap ning gintĕr nikapat-alangö.
