117
karaṇa nikan ḍatĕng supatya nṛpa putra rakwa kita lakṣmya ning sanagara.
6. Tuwi panahangku hetu nira tan kabañcana tkap nikang surawadhū,
wdi nira rakwa kewran-angisapwa māsku ri sḍĕng niran silih-asih,
ring-apa surendra tan pasunga yan hanāmbĕka nireng surapsarawadhū,
ring-apa sireki tan maharĕperiyan yadi haneka rakwa sawawa.
--- 0 ---
1. Kalinghanyekī tan hana ruruhĕn-ing swargga sahana,
hayunta dyah yadyan susupana ri jöng ning giri wana,
apan tan wwantĕn towin umahasa lāwan nṛpasuta,
smarāngīcca mwang hyang ratih-atiki līlātik aṭikan,
2. Ndi ta ngwang tan bhrantāngangĕn-angĕni rūm ning kedi kita,
ndi dewī dewānung maḍana tuwi yan mānuṣa taha,
tkeng wiṣṇwāṇḍā brahmanagara -/- śiwāṇḍāsmu [60.b.] jngĕr,
umādewī byāktānengis-ahiri reh ning silih-asih.
--- 0 ----
1. Sangsiptanya tuhanku nora pala ning göng duhka tan popama,
