114
sungsut - sungsut-ireki rakwa caritan dumadak-
amahi rāga ning wmihat,
kĕmbĕng - kĕmbĕng-i luh nirāsmu riris riris-
ira ngayat-ing labuh kapāt.
5. Sakweh ning kusumeng aman paḍa ya tan
hana manginaki citta ning mamangö,
sinwam konĕng - unĕng tatan kahuning-
āsmu - smu makasangka ning purik,
śirṇnāng tañjung-aśoka yeka rinuñah - reñih-
ike pamawan lareng hati,
ten hopĕn kusut-ing glung humurayawra wahĕl-
ikea huwus sumamburat.
6. Nirwāmbĕk nira ring tanah singl rĕsĕp niran-
anak - anakan puḍak sumar,
nirdon teki wanginya dūra nika yan tulisana
kakawin palambanga,
rātnānopama kāngkĕn-ādipa kabhūṣaṇa nira yan-
59.a. uwus dinoha -/- kĕn,
ānghing luh nira tan pakāla karakĕt tumu-
sanĕ lĕs-i himbang-ing pipi.
7. Mangkin tibra manah nikang wwang-umarĕk
salah-ulah-i huyung suputrika,
prāptang rātri makin bangun hilanga rakwa
mamarĕngana tambwang-ing wulan,
ring rangkang sphaṭikārjja teki kahanan ra-
sike kasaput-ing nglare hati,
lwir padmāsana rakwa rowanga nirān psata
ri silib-ing wwang-anghaḍĕp.
