113
1. Lumrāng wṛtta jinendramūrtti sira rakwa
katmu sira de nareśwara,
öeik buddhi nikang wwang-adyah-i dalĕm kadi
tṛṇataru māngṛngö grĕh,
kāpwālung turidāsĕwö lulut-unĕngnyan-asmu
kumudāngdadak mkar,
hyun - hyun de ni mamah nikang wwang-angucap
ri sira kedi śaśangka pūrṇnama.
2. Byātītan ri gatinya teki tucapĕn sang-ahayu
pinakesi ning puri,
sang sākṣat maṇik-ing smarālaya tmah ning-
aji madanatantra ring jinĕm,
sang lwir sukṣma sakeng tayānurun-i rakwa
tka ri pangaweśan-ing hiḍĕp,
hyang ning kendran-anginḍarāt smu nira wandĕh-
i lĕyĕp-ikang surālaya.
3. Endah rūpa nira hyang-angdiri suteja ri
muka manaruh niśākara,
nirbhagnang tilĕm-ing sarājya sa - /- tuwth,
58.b. nira satata mamūrṇna candrama,
sāśrī warṇna nirātulis mañurigenunus-i tngah-
irāngṛs-ing hati,
suswarjjārĕja kengin - engin-asawang kna tulisa
kasambat-ing mangö.
4. Tanngeh yan wuwusĕn hajöng nira tkeng lu-
ngayan-asmu lunggah-ing gaḍung,
kirṇnang ṣadpada kengisāngṛs-i wtis nira
kedi mĕkarānamar pudak,
