106
nā ling kāśīndra yekāng hudani sāra waran topamā mṛtyu tulya,
rĕp sīghrāmukçake jöng nṛpa suta kti kang sarwwa rodrāhlisānta.
3. Sakwah ning sañjatālah hyang-anala matmah warṣa tirthāmṛteng rāt,
dukduk cakrā prameyāngdadi tatit-angĕḍap lwir kḍap ning katikṣṇan,
[55. a .] hetu śri bhūmināthā -/- ngtĕ kamangĕn-angen tingkah-ing śatru śakti,
āpan ngūnī ri ngūnin taya maḍana siran dewa sor-ing prabhāwa.
4. Śryāwangga mwang sirang bhūpati magadha musuh de nirātyanta śūra,
sākśāt hyang kāla rudreka tatakut-apa tan sangka ning kewran-ambĕk,
mangke puh twās nirān dūran-amnanga lamun jīwa ning tuṣṭa cītta,
dening śatrwādikānopama juga malilang ke walang buddhi śanta.
--- 0 ---
I. Ndan sang kesāwa sarjjawojar-irikā wruh ring nayāngenaka,
he śrī bhūpati aywa wismṛti kite sang wwang sinangguh musuh,
tan len teki wkāng narendra suta de sang śrī narendra prabhu,
kyāting rāt sutasoma sājña nira sang lunghā musir pārwwata.
