10
len tang rābi ning prawīra masurud saskāra bhaktī snĕng,
tan lupatang pinaranya liṣya mawarah dharmmātmah sanggama.
7. Yeka ngde uyanging tri loka magawe sanghāra hārohara,
singgih yan suta tatwa ning parama śiṣyangkĕn gurū mwang bapa,
trang-trang bhyoma hudan salah masa wtunyan sarwwa wījan wagu,
tistis tang daśa deśa duṣṭa maliwĕr gring tan pakālāngasut.
8. Sangksepanya duwĕg tibā na wara ḍaṇḍā paṇḍya yan mangkana,
sakweh-kweh ika rampasĕn walatungĕn bwāngĕn mareng sāgara,
swastang rāt palapanya śiṣya nika tan campur prasiddhālayu,
dirgghyāyuh sira sang narendra tuhu yan bhūpālakāngrakṣa rat.
9. Sajñā śrī naranātha dibya kahiḍĕp lwir tirtha śuddhoṣadhi,
singgih ngganya purih ning-ambĕk-agawe dharmmā atmajānindita,
nistanyodaya śastra tatwa juga tan manggĕh tkap ning hulun,
dening buddhi kahīnapuṇyan akalis ring wwang [6.b.] sinanggah prabhu./
