99
sang sākṣat sari ning samādhi tmah-ing tri kāya ginĕgĕ,
sang lwir te ja sakeng maṇīndra tkap-ing manah prátihata.
2. Singgih yan parameśwaradhika kiteng tri poruşapati,
yapwan pañcapitāmahādiśiwa donta ngūni karĕngö,
ring rātnātraya yoga śakyamuni tāpanĕnggah i kita,
śrī wairocaṇa ring tathāgata makādi pañca sogata.
3. Hyang prāttañjala rakwa ring prawara pañca rĕṣyan-upama,
śri wāgiśwara mūrtti wijnā kita ring kawīndra winuwus,
ring rāgāsmara tatwa rakwa kita muşṭi ning saturida,
yan ring dlāha bhatāra nātha girinātha ning sabhuwana.
4. Sakweh ning yawa bhūminātha paḍa bhakti jöng ta ya hlĕm,
mwang dwī pāntara bhūmi tan hana waneh winūrṣita kita,
hinghantyan kita ngūnināgata ri warttamāna ta kita,
dūran teki tan-iccapanya pawakī tri loka sahana.
