97
yadyāstun jnĕkeng smarālaya matāku siwinĕn i kalangwan-ing skar,
byāktāwas ri pasung bhatāra guru rakwa sumiliha ri sang manobhawa.
8. Āpan yan suraputrikā ring-apa yan hana maḍana rarasku dug-singi,
towin sih parameśwarād bhuta tmen dlit-i wijil-ikāpti ring tilam,
sanghyang durmuka sesukāpituwi tan kadi sihira bhaṭāra ri nghulun,
nghing ke wrañjuga de ni tan hana nikang whanga Bawawa ring kadewatan.
9. Mangke pwā kita rāja putra sdĕng-antuka sakala bhaṭāra ring jagat,
ring rūpādhika kāmamūrtti saphalāngṛmĕka maṇik ing-adyah-ing tilam,
sangkṣepanya tuhanku tanggapana kungku kaka suwalĕn-ing hujar yayi,
panggil rakwa wnang harĕpan-ing smara pada ri dalĕm pasanggaman.
10. Nāhan ling nira rāgakāraya mamātyakni wuwusiran pamañcana,
akweh bhāwa niran hanān pasmu sungkawa mangos mangĕsĕsanāngṛagih - rĕngih,
51.a. o -/- ñcuh yan pangadĕg mahānguwahi kan dadi kawudan-apet raras hati,
līlāwas pakatonan-ing wahu katon mahangaranga ri bungkah-ing pupū.
