96
4. Lāwan masku paran sināddhyan-i maneh ta paran-iku minuṣṭi ning hiḍĕp,
āpan rakwa huwus wiśeṣa tka ning tri bhuwana pati katwang-ing jagat,
warṇnākāra bhaṭāra manmatha samāpta ri kita lituhaywan-indita,
göng ning wiryya parakramanta sakaleśwara tuhu - tuhu bhūmipālaka.
5. Mangke pwān kita bhikṣukāsmu nirāgama tan-ulahan-ing kṣinatriya,
dūran rakwa haneki mukya ngusirĕn lwiha saka rika sang nṛpātmaja,
bhranta ngwang harĕp-ing nirāgraha bhaṭāra tuwi yayan-arūpa ring jagat,
singhit ring smara sanggamenulahakĕn prawala hinusi ring kamokṣanan.
6. Sangsiptanya tuhanku māntuka kitātlasana maka-buddhi nirmmala,
bhūktin teku halĕp tikung nagara sarwwa kanaka maṇi ratna bhāswara,
nyā ngwang milwa ri jöng tatan bsur-anīwya ri kita pekalakṣmyan-ing puri,
bhaktyāmonga ri rūmta ring pakasutan tan-arĕsĕha ri lungsur-ing tapih.
7. Yapwa -/- n warṣih-i rāmya ning nagara tan [50.b.] wihanga kalihaneng pasir wukir,
līlālālana mūkṣa - mukṣana tkeng surabhawana mangaywa sanggama,
