Aneka-Warna Tjakepan Kaping Kalih, Pepaosan Bali Kesoerat Antoek Aksara Belanda/Seloeiring Akah Kajoe
25
tekēn manoesanē, loeirnē: dadi anggon amah-amahan siap. Boeină oemah tetaninē disasih kaoeloenē kereng mentik dadi oong. Oongē adă anē dadi daar, adă ane ngelengehin. Jadiapin tetaninē kereng ngeranaang potjol, nanging tingkahnē metimpal sedeng toelad. Itetani ngalih amah bareng-bareng ngadjak timpală. Meoemah dadi abesik, betēn tanahē. Adă masih anē ngaē oemah dipoenjan kajoenē anē soebă mati sambilangă ngalih amah. Jēn dipoenjan kajoenē, oemahnē. masih baan tanah, garapă adjakă timpalnē bareng-bareng. Baan lioen timpalnē adjakă patoeh, dadi ēnggal meragatang gaē. Boekă sesongganē: ,,Jadin tetaninē tjerik, masih njidaang moengkatang poenjan kajoe, anē gedennē apeloek". Kenehang itjang tetaninē masih adă ratoenă, keliană anē ngēntjakang dinoedjoenē ngarap gegaēn.
13. SELOEIRING AKAH KAJOE.
Poenjan kajoenē mekedjang meakah. Akahē lioenan toemboehne noeoenang, tan peboekoe, toesing medon toer gobannē lioenan poetih. Akahē masih metjarang-tjarang boekă poenjanne. Dimoentjoek akahē moeah tjarang-tjarangnē adă pengapoetană anē katos, goenannē apangă moentjoek akahē totonan dadi kereng. Seloeiring akah toesing pesan dadi pemoelă.
Jan boeat goban moentjoek akahē moeah tjarang-tjarangnē, boekă boeloenē geles-geles pesan. Ento anē anggonă ngisep jēh ditanahē. Jēhē ento mendoekan tekēn beberekan, anē dadi amah-amahan poenjan kajoe. Akahē anē katosan ento anggonă ambah-ambahan jēhē itoeni keserandoening poenjan kajoenē, toer ngoekoehang poenjan kajoenē sedjeroning tanahē, apangă toesing ēnggal bah. Pemekasnē akahē ento minakă poenjan kajoenē.
Seloeiring poenjan kajoe anē batoen boeahnē kembar, ento pedas ngelah akah pantjer: anē batoennē toesing kembar [ 24 ]26
singdă ngelab akah pantjer, sekewală akah tjerik-tjerik dogēn; oepamanne: padi, djagoeng, njoeh, boeah, tiing moeah anē lēn-lēnan. Jēning poenjan kajoenē anē ngelah akah pantjer totonan dimekirēne memoelă toegelin moentjoeknē pedas dadi mokoh, kerană akahē ento lantas lioe pesoe tjarangă, boeloenă, anē anggonă agalih amah. Kajoenē anē ngelah akah pantjer, loeire: poh, gatēp, wani, asem, djoar, boenoet tekēn anē lēn-lēnan.
Sedjawining akahē anē soebă moenggoeh diarep, adă boein mekoedang-koedang akah, loeirē:
I. Akah anē anggonă melēpah wiadin medeket, oepamannē: akah basē moeah mitjă. Akahē anē anggonă neket totonan pesoe oeli boekoe-boekoen poenjannē.
II. Akah pengisepan. Soroh akahē tēnēnan metjelep dikoelit poenjan kajoenē ane lepahină: ditoe lantas ngisep amah-amahan poenjan kajoenē totonan. Soroh, kajoenē ento, loeirnē: kepasilan anē ngoesakang poenjan kajoe anē toemboehină. Anggerekē masih mentik dipoenjan kajoenē, nanging singdă ngoesakang poenjan kajoe.
III. Bangsing baingin, boenoet, kerojă, moeah sekantjan totonan tetoeiannē akah, nanging toemboehnē toesing dibatan tanahē, sekēwală dipoenjannē moeah ditjarang-tjarang poenjannē. Goenan bangsingē anggonă ngalih amah diapahe. Jēn soebă bangsingē ento nganteg ditanahē toer soebă gedē, goenannē masih ngisep jēh ditanahē toer noendjang poenjannē, apangă kereng.
IV. Adă boein akah anē pesoe oelh boengkil kajoenē wiadin oeli dioembinē. Apă boein oeli tatoen koelit poenjan kajoenē. Oepamannē; toeroes dapdap, ketjemtjem, koetoeh moeah kajoe santen. Akah anē anggonă koemambang dijēhē, apangă entik-entikanē ento dadi kambang dijēhē, oepamannē: kapoe-kapoe tekēn soemanggi.
Lioe akah-akahē anē megoenă, adă dadi daar, adă dadi anggon oebad, moeah adă anē dadi anggon noebă bē.