Aneka-Warna Tjakepan Kaping Kalih, Pepaosan Bali Kesoerat Antoek Aksara Belanda/Njawan
Marmeré totonan soroh batoe, nanging katosan. Anaké ngalih marmer ngebét ditanahé. Marmeré ané marǎ ebéta gobanné boekǎ batoené. Sesoebanne megebeg marǎ aloes toer mekenjah. Jén marmeré lakar anggona médjǎ, penoekoeb moeah ané lén-lénan, patoet kewangoen maloe, djenengné sekeneh anaké ngeé, paspasinǎ, toemoeli gebega apang aloes; jén soebǎ kéto, mara mekenjah. Goban marmere mendah-endahan; adǎ ane peloeng, kelaoe, poetih, selem, barak moeah ané len-lenan. Marmeré ané melah gobanne poetih. Lioe goenan marmeré, dadi anggon boengan medjǎ, djoebin (penoekoeb), togog (artja) moeah goeli. Ada boein barang ané gobanné boekǎ marmeré, melakar baau semén tegél moeah moesaik. Goenan moesaiké masih patoeh boekǎ goenan marmeré, dadi anggon djoebin, pepajasan témbok, moeah ané lén-lénan.
Njawané nongos mepoendoeh-poendoch dadi agook wiadin dadi akoengkoengan. Njawané akoengkoengan teloeng, soroh; adǎ njawan ané gegaénné ngajahin dogén, ratoening njawan tekén moeaninǎ. Njawan pengajahé lioenné penjioean, toer mekedjang loea. Ratoen njawané paling gedénǎ, masih loeǎ.
Tjadik tjanggemné ané bedoeoeran ento anngonǎ njegoet apan-apan, ané bétenan anggona ngisep madoe diboenga-boengané. Matanné boekǎ matan tjapoengé, tongosné digidatné. Kampidne patpat mekedjang tipis toer aloes. Batisne nemnem, tjerik toer bawak patpat, gédenan toer dawa dadoeǎ, tongosné doerian; batisne ané gedé totonan meboeloe lioe, boeina dipaanné mebolong, djenengné boetjoe teloe. Goenan [ 2 ]4
bolongannē ento anggonǎ wadah madoe wiadin sarin boengǎ
anē baanǎ ngisep diboenganē. Ditanggoen awaknē anē doeri
adǎ tjelakǎ, anggonǎ ngatjel. Gedēn tjelak njawanē amboel
medangē. Dibongkolnē adǎ wadah oepas. Jēning ngatjel,
lioenan njawanē ento mati. Gegaēn njawan pengajahē mege-
nepan; adǎ anē ngaē malem, adǎ anē ngae madoe, adǎ boein
anē gegaēnnē ngempoe wiadin meretēnin pianaknē,
Awak njawanē anē dadi ratoenǎ gedēnan tekēn awak
njawan pengajahē; nanging tjadik wiadin giginnē bawakan,
wirēh singda lakar ngajahin, njegoet wiadin ngisep sarin
boengǎ moeah madoe ane lakar amahǎ.
Apǎ boein batisnē anē doerian masih toesing mebolong.
Gegaēnnē sekēwala metaloeh dogēn, nganti adǎ anē metaloehi
limang keti lioennē. Njawanē moeani masih toesing ngarap
gaē apan-apan. Ento keranannē tjadik teken giginnē masih
lawak bockǎ tjadik moeah gigin ratoen njawarē .. Dibatisnē
toesing adǎ bolongannē toer toesing ngelah tjelak anggonǎ
ngotjel. Gegaēnnē sakēwala ngendahang panak dogen.
Tingkah njawanē ngaē malem kenē :
Pengawit sari tekēn madoen boenganē amahǎ maloe; sesoe-
bannē ditengah basangnē lantas dedek, toemoeli meadoek
dadi malem. Ento malemē pesoeangǎ oeli diboekne-boekoen
awaknē? anē paling doerinǎ.
Doegasē mesoeang lilin (malem), njawanē ento ngelanting
sig poenjan kajoenē adjakǎ lioe saling gelantingin; anē abesik
ngelanting sig batis timpalnē; kēto mekedjang medērēk-dērēk
dadi koedang-koedang dērēkan. Pekatononnjanē megompelok.
Njawanē ento ngelanting sambilangǎ meanjoenan, mekelonnē
matikoer djam. Boea malemē anē soebǎ pesoeangǎ ento
petampiangǎ tekēn timpainē anē gegaēnnē ngaē talaan njawan
lakar oemahne. Talaan njawanē mahpat. nanging djenengnē
mekedjang boetjoe nem.
Talaannē anē paling tjerika ento lakar tongos panaknē anē bakal dadi njawan pengajah. Talaannē anē pemadē, anggonǎ
tongos panaknē anē moeani. [ 3 ]5
Talaannē ane paling gedenǎ anggonǎ tongos lakar ratoennē. Talaanne anē lēnan ento lakar anggonǎ tongos madoe.
Jan moenggoeing ratoen njawanē ento, jen metaloeh, pengawitne ane lakar dadi njawan pengajah; jen soeba lekad totonan, gobanne boekǎ oelede. Ento keperetenin baan njawan pengajahē, baangǎ ngamah madoe meadoekan sarin boenga. Jening soeba masanǎ, lantas dadi katjoet, toemoeli dadi njawan pengajah. Toesing meletan mekelo, boein metaloeh ; taloehnē ento diengsahnē, panaknē lakar dadi njawan moeani.
Taloehnē ane paling doerinǎ, ento lakar dadi ratoen njawan. Taloehē ento apikina pesan. Jan taloehē ane lakar dadi ratoenǎ ento soeba engsah, toer soeba gedē, lantas ratoennē anē soebǎ toeaan pesoe oeli dikoengkoenganē wiadin oeli digooknē, laoet namboeng ileh-ileh ngalih tongos lenan, iringanga baan pandjakne akendjang. Jan soeba maan tongos, ditoe lantas ia boein ngewangoen oemah. Tongosne ane maloe, ento wengkoena baan panaknē anē dadi ratoenǎ. Njawane mekisid tongos ento adanina njawan ngoenjǎ.
Dimasan poenjan kajoenē langah meboenganne, pepes njawane koengan amah. Ditoe lantas njawane ento ngeloeroeg keocmah njawan and lenan, goemanǎ ngerampas amah-amahan. Ane loeroegina ngelawan, ngadakang siat. Ento adanina njawan ngababin.
Wireh madoen njawanē lioe goenanne, dadi lioe anakē ngoeboehin, penganinǎ koengkoengan adji bantang gedang moeah adji poenjan djaka akeleng, apanga melah tongosne.
Njawane dadi daar; anē enoe katjoet ento paling melahǎ. Melahnē oerab wiadin pes. Malemnē dadi anggon apa? Njen nawang njawan dengdeng ai? Jan anakē mekeneh ngalap njawan, kenkenanga maloe, apang toesing katjetǎ?
Ditanah Eropa tekēn di-Amerika lioe pesan njawanē, nanging dini ditanah Hindia arang-arang. Apa djenengǎē keranannē?