Aneka-Warna Tjakepan Kaping Kalih, Pepaosan Bali Kesoerat Antoek Aksara Belanda/29-Pitoetoer

Saking Wikisource

[ 46 ]48

Soroh njawan, kelă-kelă, taboean, njangnjang ento masih pengawitnē laad oeled.

Sekantjan pereninē, loeirē: ketoenggēng, teledoe, lelipan, tekēn kalimajahē ento ngeranaang kēweh menoesanē, kerană jēn katjēla wiadin segoetă, sakitnē kaliwat-liwat. Anakē toesing asian, nganti makelo metaanan. Boeină tetaninē ento kereng pesan ngoesakang oemah, kerană iă kereng ngamah kajoe. Nget-ngetē kereng ngamah kamben. Apă anē dadi meranan padinē? Tegarang njambat soroh pereni anē mebatis nemnem, anē magoenă tekēn manoesanē!

Adă oeled soeteră anē goemană oeboehină baan anakē, kerană katjoetnē mekapoet adji benang soetră, anē dadi adep, maal pesan adjinnē. Amah-amahan oeled soetranē don besar. Penganggonē anē melakar baan soetră, ento loees toer makenjah. Tegarang njambat soroh pereni anē ngerajang anē batisnē akoetoes. Apă anē lioe pesan batisnē?


29. PITOETOER.

1. Anakē astiti tekēn Widi toer bakti tekēn mēmē bapannē, pedas lakar keitjēn rahajoe baan Widinē oeling dienoenē idoep nganti iă mati.

2. Idă Sangiang Widi kelintang soeētjă tekēn keoelan Idanē makedjang; ento keranannē dēwēkē patoet astiti bakti tekēn Idă Sangiang Widi, ingetang sedină-dină!

3. Jēn dēwēkē ngarap apan-apan, jadin toesing adă menoesă anē nawang, nanging edă engsap, jan Idă Sangiang Peramă Kawi toesing kesamaran; seperătingkah dēwēkē oeningin Idă.

4. Jadin Idă Sangiang Peramă Kawi ngadakang seloering pekēwoeh tekēning manoesanē, ento patoet pesan loengsoer medoeloeran keneh rahajoe, kerană seloering pekēwoehē ento ngeranaang melah.

5. Jēning anakē melaksană ajoe tekēn dēwēkē, sesidă. [ 47 ]

49


sidaan wales baan laksană ajoe; nanging jēning dēwēkē
djelēkang anak, sesidă-sidaan wales baan laksană miwah
keneh rahajoe, wiadin edă pesan walesă baan djelē.!

6. Edă pesan dēwēkē mekardi wiadin melaksană tan pa-
toet, kerană pekardinē moeah laksananē boekă kēto
ngeroesak keneh dēwēkē!
7. Njēndjă bani njoeang beranan anak lēn saking pedjalan
tan rahajoe, tan periwangdē iă lakar kesisipang.
8. Talinin berigoe tekekang pesan inderian tjatnē, apang
tjai memanggoehang rahajoe oeli dini toemekaning tjai mati!
9. Edă pesan tjai takoet toejoeh, kerană anakē bani kēweh
toer toejoeh, lakar kitjen pikolih baan Idă Sangiang Widi!
10. Anakē anē demen midonin moeah noengkasin pitoetoer
anak, ento njiriang dēwēknē pitoei anak belog poeng,
goeng.
11. Njēndjă demen miegan wiadin meperăkară, pedas iă lakar potjol wiadin kimoed.
12. Gegaēnē anē abot toer soekeh, jan adēng-adēngin ngarap,
toeoetang seger kenehē, sinah gegaēnē ento dadi ingan.
13. Djohangdjă seloeiring pepinehē anē midjil oelih idepē
paling kerană oendoekē boekă kēto, tan bină tekēn
tjetikē anē manis rasannē!
14. Ida Sangiang Peramă Kawi ngadakang isin goeminē
soebă seregep pesan, ento keranannē singdă adă boein
sedeng tjēdanin.
15. Anakē anē ngagoe pepes nepoekin kekēwehan, nanging
anakē anē pelapan toer ngesorang dēwēk, demenină
toer tresnaină baan anakē mekedjang.
16. Pelaksananē rahajoe, joadin toesing tawangă baan anakē
mekelo-kelo dadi ngenah.
17. Majoes dēwēkē ngalih ketiwasan, kesengsaraan, wiadin
kenistaan, nanging anteng ngoepadi apangă dadi soekă wirjă.



Anēkă-Warnă II